Maghi, Santi e dischi volanti

 Na vota c'eranu i maghi,
c'eranu i draghi, c'eranu i lupi...
c'eranu i streghi ' n cavaddhu e scupi! ...
E c'eranu i sireni
chi nescianu di lu mari... 
e c'a so' beddha vuci
incantavano i marinari!...
si cunta, e si cuntava
ch'in terra scindivanu i santi...
camminavanu pe' strati,
 e benedicianu l'abitanti...
Facivanu miraculi:
 risuscitavanu i morti...
Lazzaru fu lu primu
chi ebbi 'sta beddha sorti!...
Davanu a vista all' orbi
e a parola a li muti...
' e surdi cci davanu a ' ntisa:
'e malati la saluti! ...
Moltiplicavanu i pani...
 u pani era unu,
e bastava a milli cristiani:
non c'eranu cchiu' dijiu!
chistu si cunta, e si cuntava prima...
e 'a storia non cambia
ne' versi, e mancu rima:
' na vota scindivanu i santi...
ora scindinu i dischi volanti!...
E nu autri sempi i stessi,
comu'e nostri patri:
cridimu a chiddhu chi cuntanu...
e non cridimu a nu' atri!...

Ballata scritta in collaborazione con il "giovane" poeta Ignazio Butitta, che aveva appena compiuto novant'anni.