A madonna i Pizzoni

Catti bona?…si si, catti bona.

 No pe diri, meggjiu non potia cadiri.

Ancora volava

 mentre a testa rotolava.

Catti pe troppi magghji.

Catti pe lordi mbrogghji.
Catti pe amuri di figghji.
L’amuri supera i scogghji.
U sannu i poveri migrati, 

disgraziati, sventurati, sciagurati.

Chiji chi veninu di là, 

ndannu a protezioni di allah,  

che è chjiù saggiu,

 non si faci portari a passeggiu.

I ‘ndiani, chjini i scienza,  
‘nto jiumma lavanu panni e coscienza.

Buddha, quando nci fannu girari i cuggjiuna,
nci manda i munzuna.

Maometto,   i voli tutti sutta o soi tetto.

Atri, povareji, 

senza ori, 

figghji di diu minori.

Tutti su accumunati

du stessu bucu duvi su nati,
bucu di donna chi chiamati madonna.

U lignu non è eternu, vu dicu,

megghjiu u ficu.

Si ‘ncunu semi gigghjia, 

nesci a fica, chi ‘nduci a vucca.

A prossima vota, pe cortesia,

passati prima da falegnameria,

c’è Peppi u cornutu,

tantu ‘mprecau,

chi mutu diventau.
'Nci u dici l’oraculu

 u faci u miraculu.

Va torna vergini e nova, 

 pronta pe natra dura prova.