Testa Mento

Mentu- testa

Fortuna mia amata ti ringraziu, tu voggjiu diri cu stu comiziu.

 T’attaccasti a mia comu a na cozza, comu la fica faci cu lu  cazzu.

 Eru spenzeratu nta la bara, azati non è chista la to ura.

Nu gran puntatuni mi jettasti, e finu a milanu mi spedisti.

Mi fici gabbu e nci ncappai, u dittu antichu non sbaggjia mai.

 Parrami, dimmi quando su li tempi di salutari amici e parenti,

Anchi se ncunu fici lu serpenti, sputau velenu a cui lu portau avanti.

Cui chi figgjioli voli mi si menti, addaviri la pacenza di li santi.

 Li mei amici, pochi e chjini i nguacchji, comu li denti mbucca a certi vecchji.

Bonu cavajiu lunga cursa piggjia, si no esti sulu n’asinu chi raggjia.

Di l’amici mi guarda dio, ca ai nemuni nci pensu io.

Pe tutta a vita ti sfidai o sorti, pensando d’aviri in manu boni carti,

tu comu n’umbra mi seguisti, pe cimi di capiji sempi mi piggjiasti.

Cu toi mantu mi avvolgisti, li porti da galera mi spalancasti,

 mi ritrovai senza parti, ma chijia vita non è arti.

 Simu pe tia tutti nta lista, puru si non c’è l’ordini da posta

E si a menzu caminu poi mi dassi, cu veni arredi mi cunta i passi.

Chistu è nu puandu chi avimu a fari, diceva Mmaculata, non ci pensari.

Speriamo  mi è curta e netta ripetia Biccherinu quando catta.

 Comparami quando su chjinu i vinu e fa ca non arrivisci lu matinu.

Insomma tu li sai li me gusti, vorrai fari la morti di li giusti.